सोलापूर : येथील खादिमाने उर्दू फोरम संचलित शहीद कुर्बान हुसेन या शिक्षण सोडलेल्या विद्यार्थ्यांच्या पुनर्वसन केंद्राचा उद्घाटन सोहळा महापौर शोभा बनशेट्टी यांच्या हस्ते होणार आहे. हे केंद्र उर्दू माध्यमाचे आहे. या वेळी बिदरच्या शाहीन शिक्षण समूहाचे सेक्रेटरी डॉ. अब्दुल कदिर अध्यक्षस्थानी असतील, अशी माहिती संस्थेचे सचिव डॉ. शफी चोबदार यांनी दिली आहे.
या सोहळ्यास सोलापूर विद्यापीठाचे कुलगुरू डॉ. एन. एन. मालदार, स्थायी समितीचे सभापती संजय कोळी प्रमुख पाहुणे म्हणून उपस्थित राहतील. शहर काझी मुफ्ती अमजदअली काझी, मौलाना इब्राहिम कासमी, ‘अहले हदीस जमात’चे अध्यक्ष हाजी मुख्तार हुमनाबादकर, ॲड. जैद नईम शेख, फैजइनामदार, माजी आमदार युन्नूस शेख, माजी महापौर ॲड. यू. एन. बेरिया, माजी महापौर आरीफ शेख, काँग्रेसचे ज्येष्ठ नगरसेवक रफिक हत्तुरे, ‘एमआयएम’चे नगरसेवक रियाज खरादी, मेजर युसूफ शेख आदी उपस्थित राहणार आहेत.
उद्घाटन सोहळा : दिवस : शनिवार, २९ जुलै २०१७
वेळ : सायंकाळी साडेसात वाजता
स्थळ : नईम शेख साहित्य व सांस्कृतिक केंद्र, बारा इमाम चौक, सोलापूर
